Magkabilaan ni Joey Ayala

     Sa totoo lang ala akong maisip na iblog para sa kantang ito. ang hirap hirap kase tapos tinatamad pa ako pero dahil kailangan ala na akong mgagawa kundi piliting magisip.
   
     Ang kanta ni Mr. Joey Ayala kung pakikinggan  ay hindi maganda sa pandinig ngunit ang nilalaman nito ay kakaiba. Para siyang si Rizal na ginamit ang knilang talento upang maipakita ang kanilang saloobin. Ang pambansang bayani na ginamit ang panulat upang makalaya sa mga dayuhan at siya na ginamit ang musika upang ipaintindi sa bawat isa na hindi sila magkakapareho kaya wala silang karapatang manghusga ng kapwa. Sinasabi dito na ang mga tama nating ginagawa ay hindi palaging tama, maaaring mali ito para sa iba dahil hindi natin hawak ang pagiisip nila. Maari kasing ang akala nating tama ay may maidudulot na masama o masakit para sa ilan. Ipinapakita din dito ang pagkakaiba ng bawat isa sa kulay, pagiisip, ugali, at katayuan sa buhay. Ngunit meroon akong nakitang pagkakapareho ng bawat isa iyun ay walang perpektong tao sa mundo.

   

Musika (malayang paksa)

          Sinasabi nila na ang musika ay nagiging salamin ng kalooban ng lumikha nito. Ang musika na siguro ang isa sa pinakalumang anyo ng sining sa mundo. Mula sa mga tunog na galing sa kalikasan, na nagkaroon ng "harmony". Ang mga tunog ay nagkaroon ng kaayusan at naging maganda sa pandinig. Ito ang tinatawag na musika.

           Maaring ang musika rin ay maging salamin ng kultura at kapanahunan sa isang lugar. Musika rin ang nagiging tulay upang magkaroon ng koneksyon ang bawat isa sa atin. Halimbawa, bentang-benta sa atin ngayon ang musika na galing sa south korea. Marami ang nababaliw dito at nakiki-uso. Pero subukan mong tanungin, anu ba kahulugan ng mga kanta na pinakikinggan nila? Ang sasabihin nila ay nagagandahan lamang sila sa tunog nito at kahit sa hindi nila alam kung ano kahulugan ng mga salitang sinasabi nila ay todo sabay pa rin sila sa pagkanta. Dito makikita na kahit balakid ang pagkakaiba natin sa kultura, magagawang iparating ng musika ang saloobin ng lumikha nito. Hindi naging hadlang ang hindi natin pagkaintindi sa kahulugan nito para ito ay ating magustuhan.

            Halatang-halata naman sa ating mga pilipino ang pagmamahal natin sa musika. Lalo na nung kapanahunan pa ng Eraserheads. Nung nasa rurok pa ng kasikatan niya si Francis Magalona. Ito 'yong dekada '90 na tumatak sa mga pilipino. Walang sawang tugtugan at sayawan sa saliw ng mga kanta ng E-heads kasama pa ang PNE. Iniidolo ko si Ely Buendia. Sino ba naman kasi bukod sa kanya ang makakapagtago ng ibang kahulugan sa mga kanta n'ya? Halimbawa na lang 'yong Spolarium. Sa lyrics ng mga kanta na yan, kung susuriin mabuti, ay makikita ang pagpapatama ni Ely kay Vic Sotto at kay Joey De Leon. Ang kantang Spolarium ay tungkol kay Pepsi Paloma. Ang artista na nagpakamatay dahil umano sa pang-gagahasa ni Vic at Joey sa kanya.

             Ang musika ay maaaring maging instrumento ng komunikasyon. Maaari itong magdala ng kasiyahan o kalungkutan ayon sa pagkakagamit nito. Ito ang s'yang nagpapaganda dito, ang paraan kung paano gagamitin ang MUSIKA.

Sorry! Wala Eh!

         Ang worst experience o pinakamasalimuot na karanasan ko ay nang hindi ako nagkaroon ng worst experience. Pinilit kong magmukmok sa sulok, wag lumabas ng bahay, at nakakita pa nga ako ng lubid subalit naisip ko rin na maglaslas ng pulso pero naririnig ko ang mga batang masayang nangangarolling. At may mga batang bugok na nagtitrick or treat, nagpapaputok at sumisigaw ng maligo sa bagong taon, nagpaparinig sa kapitbahay namin na "pinagtaguan nanaman ako ng ninang ko!".Naalala ko rin ang sermon ng pari na wala kameng karapatang na malungkot ngayong kapaskuhan dahil kaarawan ito ni Papa God. Naisip kong tama nga naman pero hindi ko rin maalis na itanong sa aking sarili kung paano ako gagawa ng blog kung ganoon.

       Nagpasya akong umalis ng bahay para mamasko sa mga tito at tita ko. Una kong pinuntahan ang Tita Lenny ko pero inamag ako kakahintay pero hindi ako binigyan ng pera at ang sabi sa hapon nalang daw ako bumalik. Medyo nainis ako dahil sya ang buwena mano ko tapos tinanggihan ako. Kaya pumunta ako sa isa ko pang tita na si Tita Carmen at pagka mano ko ay binigyan ako agad ng pera. Naisip ko na dapat pala ay sya nalang ang inuna ko. Kaya bumalik ako sa una kong tita at nagparinig. At sa wakas ako ang nagwagi! Binigyan ako ng pera naisip kong ito ang gawing worst experience ko pero para sakin hindi ito dahil nagenjoy ako sa pangiinis sa tita ko para bigyan ako ng aginaldo.

        Paguwi ko ng bahay ay gabi na nalibang ako sa pagtambay kasama ang nga barkada ko ng highschool at naisip kong wala pa nga pala akong worst experience. Kaya naisip kong ang worst experience ko ay nang hindi ako nagkaroon ng worst experience.